NRNA को निम्तोमा तीजमा दिदी बहिनीहरूलाई नचाउन अस्मिता अधिकारी इजरायल आउँदै

नेपाल इजरायल डट कम (जेरुसलेम) । गैर आवासीय नेपाली सङ्घ राष्ट्रिय समन्वय परिषद् (एनआरएनए-एनसीसी) इजरायलले नेपाली महिलाहरूको महान् पर्व हरितालिका तीजको अवसर पारेर आगामी अगस्ट ३० तारिख शुक्रबार तिज कार्यक्रमको आयोजना गर्ने भएको छ ।

उक्त कार्यक्रममा नेपालबाट आमन्त्रित कलाकारहरूको साथमा तिजको दर लगायत , नाच्न गाउन र रमाउन इजरायलमा रहनुभएका सम्पूर्ण दिदीबहिनी तथा दाजुभाइहरू तथा क्रियाशील सङ्घ संस्थाहरू, समाजसेवीहरू, सञ्चार कर्मीहरू लगायतका इजरायलमा रहेका सम्पूर्णमा जानकारी गराउँदै उपस्थितिको लागि हार्दिक अनुरोध गरिएको छ ।

नेपालबाट आमन्त्रित कलाकारमा लोकप्रिय गायिका अस्मिता अधिकारी र लोक गायक चिज गुरुङ इजरायल आउने पक्का भएको एन आर एनका महासचिव अलि मियाद्वारा हस्ताक्षरित एक विज्ञप्तिमा जानकारी दिइएको छ ।

तेल अभिव हाहागना स्थित बेत बार्बर हलमा हुन गइरहेको सो तीज उत्सवमा बेलुकी ६ देखि ७ बजेसम्म दर खाने कार्यक्रम छुट्टाइएको छ भने त्यस पश्चात् र ७:३० देखि औपचारिक कार्यक्रम सुरु हुनेछ ।