त्यही दिन हो हामीले लर्न एण्ड अर्न अन्तर्गत इजरायलमा कृषि अध्ययन गर्न आएका हाम्रा निर्दोष १० नेपाली दाजुभाईहरु गुमायौं । सारा संसारको लागि यो कालो दिन केवल एउटा अखबारमा छापिने समाचार मात्र होला तर इजरायलमा कार्यरत हामी नेपालीका लागि यो अत्यन्त हृदयविदारक घटना कहिल्यै नमेटिने चोट बनेर छातिभित्र टाँसिएको छ । हामी हरेक नेपालीको मन मुटुमा असह्य पीडाको छाप बनेर कोरिएको छ । त्यही दिनबाट सुरु भयो इजरायलका नेपाली दाजुभाइ दिदीबहिनी बिच खबर आदान प्रदान गर्ने यो न्युज पोर्टल - नेपाल इजरायल डट कम ।