नेपाल मगर संघ इजरायलको आयोजनामा आउदै गरेको नेपाली नयाँ बर्ष २०८१ को अवसरमा इजरायलमा बिबिध सांगीतिक कार्यक्रम सहित शुभकामना आदानप्रदान कार्यक्रम हुने भएको छ । अप्रिल १२ का दिन तेल अभिभमा हुने सो कार्यक्रममा नेपालका ख्यातिप्राप्त गायिका एलिना चौहान, तथा गायकहरु गगन पुन र श्याम रानालाई निम्न्त्रणा गरिएको छ ।
इजरायलबासी नेपालीहरुलाई मनोरञ्जन दिदै नयाँ बर्ष २०८१ लाई सांगितिक सास्कृतिक रुपमा भव्यताका साथ स्वागत गर्ने तयारी गरिरहेको नेपाल मगर संघ इजरायलले जनाएको छ ।
विशुद्ध मनोरञ्जनसाथै अक्षयकोष अभिवृद्धि लागी “नया बर्ष २०८१ सांगीतिक साँझ” आयोजना गर्न लागिएको नेपाल मगर संघ इजरायलका अध्क्षय सूर्य रानाले जानकारी दिएका छन् ।
नेपाल मगर संघ इजरायल शाखाले स्थापना काल देखि नै यस्ता विभिन्न गतिविधि तथा सांस्कृतिक कार्यक्रमहरुको आयोजना गर्दै आइरहेको छ ।
इजरायलमा कार्यरत सबै नेपाली र नेपाली भाषी सबैलाई कार्यक्रममा उपस्थिति भइदिन आयोजकले अनुरोध पनि गरेको छ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
