एन आर एन ए इजरायलले दशैंको शुभकामना आदानप्रदान कार्यक्रम गर्दै

गैर आवासीय नेपाली सङ्घ राष्ट्रिय समन्वय परिषद् इजरायलले दशैंको शुभकामना आदानप्रदान कार्यक्रममा सरिक हुन इजरायलवासी नेपालीहरूमा हार्दिक अनुरोध गर्दै एक सूचना जारी गरेको छ ।

सूचना ! सूचना !! सूचना !!!
गैर आवासीय नेपाली सङ्घ ,राष्ट्रिय समन्वय परिषद्- इजरायलले आफ्नो वार्षिक कार्य योजनाअनुसार नेपालीहरूको महान् चाड बडा दशैँ , शुभ दीपावली ,म्ह: पूजा तथा छठ पर्वको अवसरमा वैदेशिक रोजगारीमा रहनुभएका नेपाली तथा नेपाली भाषी दाजुभाइ दिदीबहिनीहरूबीच भाइचारा ,खुसीयाली एवं आत्मीयता बढाउने उद्देश्यले शुभकामना आदानप्रदान कार्यक्रम आयोजना गरिएको हुँदा इजरायलमा रहनु भएका सम्पूर्ण क्रियाशील सङ्घ संस्थाहरुमा आबद्ध समाजसेवीहरू विद्यार्थीहरु ,सम्पूर्ण दाजुभाइ तथा दिदीबहिनीहरू तथा पत्रकार साथीहरुलाई जानकारी गराउँदै तपसिलको मिति र समयमा भर्चुअल मा उपस्थित भइदिनुहुन हार्दिक निमन्त्रणा गर्दछौँ ।

मिति : १० अक्टोबर,२०२४ बिहीबार (फूलपातीको दिन)
समय : साँझ ५ बजे (नेपाली समय अनुसार )
नोट:कार्यक्रम संस्थाको जूम भर्चुअल मार्फत हुनेछ ।