इजरायलकी पूर्व राजदूत कान्ता रिजालकी सहयोगी तखानाबाटै पक्राउ

इजरायलमा कामदार भागेर लुकेका कारण पूर्व राजदूत रिजालकै नैतिकतामा प्रश्न उठ्नुका साथै अस्ट्रेलियाका लागि सिफारिस भैसकेपछि पनि संसदीय सुनुवाई समितिबाट उनको नाम हटाइएको थियो ।

यो पोष्ट AI Voice मा सुन्नुहोस 🔊

इजरायलका लागि नेपालकी पूर्व राजदूत कान्ता रिजालले सहयोगीका रूपमा इजरायल ल्याइएकी सहयोगीलाई इजरायली प्रहरीले पक्राउ गरेको छ ।

उनलाई काम गर्ने स्थानबाट अपार्ट जाने क्रममा बस स्टेसनबाटै अध्यागमन प्रहरी द्वारा पक्राउ गरिएको हो । कार्यकाल सकेर नेपाल फर्कने बेलामा दुई जना सहयोगी मध्ये एकजना एकाएक एयरपोर्टबाट नै भागेपछि उनको पासपोर्ट, टिकट र कागजपत्र यस अघि नै पूर्व राजदूत रिजालले घरेलु कामदार भागेको जानकारी दिँदै परराष्ट्र मन्त्रालयमा बुझाइदिएकी थिइन् ।

तेलअबिवस्थित नेपाली दूतावासले ती घरेलु सहयोगीलाई स्वदेश पठाउनको लागि जारी गरिएको ट्राभल डकुमेन्ट प्रहरीलाई दिइएको छ । उनलाई स्वदेश पठाउन डिपोर्टेसन सेन्टरमा राखिएको छ । इजरायलको मिनिस्ट्री अफ इन्टेरियरका अनुसार उनलाई ३० दिनभित्र डिपोर्ट गरिनेछ ।

नेपाली दूतावासका कार्यवाहक राजदूतका अनुसार उनलाई उनलाई छिटोभन्दा छिटो डिपोर्ट गर्ने तयारी भइरहेको छ, यद्यपि नेपाल पठाउने मिति भने निश्चित भइसकेको छैन ।

ती सहयोगी तत्कालीन राजदूत कान्ता रिजालको निवासमा घरेलु कामदारका रूपमा काम गर्न सात महिनाअगाडि इजरायल गएकी थिइन् । पूर्ववत् प्रधानमन्त्री पुष्पकमल दाहाल नेतृत्वको सरकारले राजनीतिक कोटामा नियुक्त भएका राजदूतहरूलाई फिर्ता बोलाउने क्रममा अन्य विभिन्न ११ देशका राजदूत सहित इजरायलका लागि तत्कालीन राजदूत कान्ता रिजाललाई पनि फिर्ता बोलाइएको थियो ।

यो पनि पढ्नुहोस
इजरायलमा सहयोगी लुकेपछि राजदूत सिफारिसमा ट्वीस्ट

पूर्व राजदूत रिजालले आफू फर्किने दिन विमानस्थल जानु केही घण्टा अगाडि मात्रै घरेलु श्रमिक अचानक भागेको जानकारी दिइन । रिजाललाई केपी ओलीको सरकारले अस्ट्रेलियाको लागि राजदूतमा पुनः सिफारिस गरेको थियो । तर घरेलु श्रमिक छाडेको आरोप लागेपछि परराष्ट्र मन्त्रालयले संसदीय सुनुवाइ समितिमा सुनुवाइको लागि उनको नाम नै पठाएको थिएन ।

परराष्ट्रले आइतबार अस्ट्रेलियाको लागि नेपाली राजदूतमा पूर्व उपसभामुख रहेकी काँग्रेस नेतृ चित्रलेखा यादवलाई सिफारिस गरिसकेको छ ।