हमासले गर्‍यो इजरायली बन्धकको नयाँ भिडियो सार्वजनिक, भिडियोमा प्रधानमन्त्रीलाई गाली गरेको सुन्न सकिन्छ (video)

गाजा । प्यालेस्टिनी लडाकू समूह हमासले बुधबार गाजामा बन्धक बनाइएका एक इजरायली–अमेरिकी व्यक्तिको नयाँ भिडियो सार्वजनिक गरेको छ ।

भिडियो गत अक्टोबर ७ मा हमासले गरेको आक्रमणका क्रममा दक्षिणी इजरायलको नोभा म्युजिक फेस्टिभलबाट अपहरणमा परेका हर्श गोल्डबर्ग–पोलिनको भएको इजरायली सञ्चारमाध्यमले बताएका छन् ।

उनले आक्रोशित हुँदै भिडियोमा आफ्नो देशको प्रधानमन्त्री बेन्जामिन नेत्यान्याहूलाई गाली गरेको सुन्न सकिन्छ । उनले बन्धकहरूको दयनीय स्थितिको वर्णन गर्दै खाना, पानी र औषधोपचारको अभावमा जमिन मुनी अँध्यारोमा छ महिना देखि तड्पिएका आफूहरूको उद्धारमा बेवास्ता गरेको आरोप लगाएका छन् ।

भिडियोमा बोल्ने व्यक्तिले भनेका छन्, “त्यो दिन म आफ्ना साथीहरूसँग टहलिन कार्यक्रमस्थलमा गएको थिएँ । कार्यक्रमस्थलमा एक्कासी आक्रमण भयो । म होसमा आउँदा मैले मेरो शरीरभरि गम्भीर चोट लागेको थाहा पाएँ भने आफुलाई चोटका कारण जीवन र मरणको दोसाँधमा सङ्घर्ष गरिरहेको भेटेँ । यद्यपि भिडियोको प्रामाणिकता र समय एएफपीले स्वतन्त्र रूपमा पुष्टि गर्न सकेको छैन ।

यो भिडियो हमासको आधिकारिक टेलिग्राम अकाउन्टमा पोस्ट गरिएको हो । गत अक्टोबर ७ मा हमासको आक्रमणका क्रममा अपहरणमा परेका करिब २५० व्यक्तिमध्ये १२९ जना गाजामै रहेको इजरायली सेनाको अनुमान छ । उनले आक्रोशित हुँदै भिडियोमा आफ्नो देशको प्रधानमन्त्री बेन्जामिन नेत्यान्याहूलाई गाली गरेको सुन्न सकिन्छ । उनले बन्धकहरूको दयनीय स्थितिको वर्णन गर्दै खाना, पानी र औषधोपचारको अभावमा जमिन मुनी अँध्यारोमा छ महिना देखि तड्पिएका आफूहरूको उद्धारमा बेवास्ता गरेको आरोप लगाएका छन् ।

इजरायली सरकारलाई उनले हजारौँ निर्दोष सैनिक र लडाकुको हताहत हुने गरी युद्धमा होमिएको र उल्टो आफूहरूको जीवन रक्षा धरापमा परेको जनाएका छन् ।

उनले भक्कानिँदै बुबा आमाको नाम लिएर उहाँहरूलाई धेरै सम्झिएको बताएका छन् . उनले आफू जहाँ रहे पनि यसपालिको ठुलो चाड राम्रो सँग मनाउन र प्रार्थना गर्न अनुरोध गरेका छन् । हमासको दबाबमा उनले यस्तो ब्यहोराको बयान दिएको अनुमान गर्न सकिन्छ ।

यो पनि पढ्नुहोस

के गाजाको शिफा अस्पतालको भिडियो फुटेजमा देखिएका व्यक्ति विपिन जोशी नै हुन त ?

इजरायली आर्मीले गाजाको शिफा अस्पतालको भिडियो फुटेज सार्वजनिक गर्दै हमासले बन्धक बनाएका नेपालका विपिन जोशी र एक थाइ नागरिक देखिएको बताएका छन । भिडियोमा नेपाली नागरिक भनिएका व्यक्ति हराइरहेका नेपाली विद्यार्थी विपिन जोशी नै हुन या अरु नै कोही हुन त ?