अमेरिकाको टेक्सासमा ११ वर्षीया जोसेलिन रोजो कारान्जाले आत्महत्या गरेकी छन्। अध्यागमन स्थितिका कारण विद्यालयमा निरन्तर जिस्क्याइएकी उनले सहपाठीहरूबाट आमाबुवालाई अमेरिका निकाला गरिने धम्की पाएपछि मानसिक तनाव सहन नसकी फेब्रुअरी ८ मा ज्यान लिएकी हुन्।
जोसेलिनकी आमाले छोरीले कुनै संकेत नदेखाएको बताइन्। विद्यालय प्रशासनले दुर्व्यवहारबारे परिवारलाई जानकारी नदिएको आरोप लागेको छ, जसले गर्दा विद्यालय अनुसन्धानको घेरामा परेको छ।
जोसेलिनको अन्त्येष्टिमा सयौं सहभागी भए। घटनाले अमेरिका भर बालबालिकामाथि हुने दुर्व्यवहार र आप्रवासी परिवारमाथिको भेदभावलाई उजागर गरेको छ। विभिन्न संघसंस्थाले कडा कानुनी सुधार र आप्रवासी बालबालिकाका लागि सुरक्षित वातावरणको माग गरेका छन्।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
%20(1).gif)
