इजरायल र हमासबीच युद्धविराम, आइतबारदेखि १५ महिना लामो युद्ध अन्त्य

काठमाडौं – इजरायल र विद्रोही समूह हमासले १५ महिना लामो युद्ध समाप्त गर्दै आउँदो आइतबार, १९ जनवरीदेखि लागू हुने युद्धविराम सम्झौतामा सहमति गरेका छन् ।

यस सम्झौताबारे अमेरिकी राष्ट्रपति जो बाइडेनले पुष्टि गरेको छ भने यसलाई महत्वपूर्ण कदमको रूपमा लिएको छ। बीबीसीका अनुसार सम्झौतामा पूर्ण युद्धविराम, गाजाबाट इजरायली सेना फिर्ता, र हमासले राखेका सबै बन्दीहरूको रिहाइ सुनिश्चित गरिएको छ।

राष्ट्रपति बाइडेनका अनुसार पहिलो चरणमा प्यालेस्टाइनी नागरिकहरूलाई आफ्ना परिवारसँग पुनर्मिलन गराउने, घर फिर्ता गर्ने, र गाजापट्टीमा थप मानवीय सहायता पु¥याउन अनुमति दिने प्रावधान रहेका छन्।

हमासले ७ अक्टोबर २०२३ मा इजरायलमा आक्रमण सुरु गरेको थियो, जसमा १,२०० जनाको मृत्यु भएको र २५१ जनालाई अपहरण गरी गाजा लगिएको बताइएको छ। हमासले यो आक्रमणले गाजामा इजरायली सैनिकहरूबाट ठूलो हमला निम्त्याएको र त्यस क्रममा ४६ हजारभन्दा बढी प्यालेस्टिनीको ज्यान गएको दाबी गरेको छ।

इजरायलले हाल ९४ जना बन्दी अझै हमासको नियन्त्रणमा रहेको बताउँदै तीमध्ये ३४ जनालाई मृत मानिएको जनाएको छ।