डोनाल्ड ट्रम्प हमासप्रति उग्र, इजरायललाई युद्ध विराम नगर्न उक्साएको हमासको दावी

अमेरिकी राष्ट्रपति डोनाल्ड ट्रम्पले गाजामा बन्धक बनाएर राखिएकाहरूलाई रिहा गरिएन भने हमास समूहका एक जना जीवित नरहने चेतावनी दिएका छन् । ट्रम्पको यस चेतावनीमा हमासले प्रतिक्रिया जनाएको छ । ट्रम्पले प्यालेस्टिनीहरू विरुद्ध बारम्बार धम्की दिँदै आएको हमासले बताएको छ ।

पछिल्लो धम्की गाजा युद्ध विराम सम्झौताबाट फिर्ता हुने इजरायली प्रधानमन्त्री बेन्यामिन नेतन्याहूको निर्णयलाई समर्थन गर्न र गाजाका जनताको घेराबन्दी अनि भोकमरी बढाउन भएको पनि समूहले भनेको छ ।

बाँकी इजरायली कैदीहरूलाई रिहा गर्ने उत्तम तरिका भनेको कब्जालाई दोस्रो चरणमा सार्नु भएको हमासका प्रवक्ता अब्देल–लतिफ अल–कानौआले एक सन्देशमा भनेका छन् । मध्यस्थकर्ताहरू मार्फत हस्ताक्षर गरिएका सम्झौताहरू पालना गर्न इजरायललाई बाध्य पारिनुपर्ने पनि उनले बताए । बिहीबार ट्रम्पले गाजामा बन्धक बनाइएका र मृतक सबैलाई रिहा गर्न होइन भने गम्भीर परिणाम भोग्न हमासलाई चेतावनी दिएका थिए ।

‘यदि उनीहरूलाई रिहा गरेनौँ भने तिमीहरू (हमास)को नामोनिशान मेटिने छ’ उनले भनेका थिए । ट्रम्पले हमासको मानसिकतालाई घृणित भन्दै बिरामी र विकृत मानिसहरूले मात्र अपहरण गरेर शव राख् पनि भनेका थिए ।