काठमाडौं । प्यालेस्टिनी समूह हमासले इजरायलमा बन्धक बनाएका महेन्द्रनगरका विपिन जोशीका आमा पद्मा जोशी र बहिनी पुष्पा जोशीले राष्ट्रपति पौडेलसँग भेटघाट गर्नु भएको छ । यो भेटघाट राष्ट्रपतिको शितल निवासमा भएको हो।
भेटका क्रममा, पद्मा र पुष्पा जोशीले विपिनको रिहाइका लागि थप पहल गरिदिन राष्ट्रपतिसँग आग्रह गर्नु भयो । आमा पद्माले आफ्नो छोरा विपिन एक निर्दोष विद्यार्थी भएको भन्दै मानवीय दृष्टिले उनको रिहाइका लागि पहल गर्न विशेष अनुरोध गर्नु भयो ।
सो अवसरमा, राष्ट्रपति पौडेलले विपिनको रिहाइका लागि आफूले थप प्रयास गर्ने प्रतिबद्धता व्यक्त गर्नु भयो ।
यसघि नेपालका प्रधानमन्त्री केपी शर्मा ओलीले बन्धक बनाइएका विपिन जोशीको परिवारसँग भेट गर्नु भएको थियो, जहाँ उनले नेपाली नागरिकको रिहाइका लागि सरकारले हरसम्भव प्रयास गरिरहेको प्रतिबद्धता व्यक्त गर्नु भएको थियो । जोशीकी आमा पद्मा र बहिनी पुष्पा, इजरायलबाट फर्केपछि प्रधानमन्त्रीसँग काठमाडौंमा भेट गर्नु भएको हो। प्रधानमन्त्री ओलीले आफ्नो फेसबुकमा भेटको तस्बिर साझा गर्दै कूटनीतिक पहल जारी रहने बताउनु भएको थियो ।
दुई बर्ष देखि हमासको कब्जामा रहेका विपिन जोशीको खोजीमा उहाँका आमा र बहिनी इजरायल जानु भएको थियो ।परिवारले इजरायलमा रहँदा नेपाली दूतावासको सहयोगमा इजरायली राष्ट्रपति, प्रधानमन्त्री, विदेशमन्त्री र संसदका सभामुख लगायत उच्च पदस्थ इजरायली अधिकारीहरु भेट गर्नु भएको थियो ।उहाँहरुले विपिन जोशीको सुरक्षित रिहाइका लागि अन्तर्राष्ट्रिय दवाव सिर्जना गर्न्नु भएको थियो।
इजरायलस्थित नेपाली दूतावासको समन्वयमा विपिनकी आमा र बहिनीले इजरायलमा रहँदा त्यहाँका राष्ट्रपति, प्रधानमन्त्री तथा विभिन्न देशका राजदूतहरूसँग भेटघाट गरी फर्केपछि सम्माननीय प्रधानमन्त्री र राष्ट्रपतिलाई पौडेललाई भेट्नु भएको हो । उहाँहरूले इजरायलमा गरिएका भेटघाटले विपिनको विषयलाई अन्तर्राष्ट्रिय स्तरमा पुर्याएको जानकारी गराउनु भयो ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
