नेपाल इजरायल डट कम – इजरायल सरकारको जनसङ्ख्या तथा आप्रवासन प्राधिकरण (PIBA) ले गैरकानुनी रूपमा बसोबास गरिरहेका नेपाली नागरिक तथा शरणार्थी आवेदन दिएका व्यक्तिहरूलाई सम्मानजनक तरिकाले स्वदेश फिर्ता गराउने सहायता गर्ने घोषणा गरेको छ। PIBA अन्तर्गतको Assisted Voluntary Return Department ले इच्छुक नेपाली नागरिकलाई स्वदेश फिर्ता प्रक्रियामा आवश्यक कानुनी तथा व्यावहारिक सहायता प्रदान गर्नेछ।
स्वदेश फिर्ता कार्यक्रमको पृष्ठभूमि
इजरायलमा कामको खोजीमा पुगेका तर भिसाको अवधि समाप्त भइसकेका वा अन्य कुनै कानुनी प्रक्रियामा रहेर अवैधानिक रूपमा बसेका धेरै नेपाली नागरिकहरू रहेका छन्। यसै परिप्रेक्ष्यमा, इजरायल सरकारले यी नेपाली नागरिकहरूलाई स्वेच्छिक रूपमा स्वदेश फिर्ता गराउने उद्देश्यले PIBA मार्फत विशेष कार्यक्रमको घोषणा गरेको हो।
PIBA का अनुसार, अवैधानिक रूपमा बसेका आप्रवासीहरूलाई स्वदेश फिर्ता गराउने कानुनी तथा व्यावहारिक सहजीकरण प्रदान गरिनेछ। यो कार्यक्रम स्वदेश फिर्ता हुन चाहने नेपाली नागरिकहरूका लागि एक सुनौलो अवसर हो।
कसलाई समेट्छ यो योजना?
PIBA द्वारा जारी गरिएको सूचनाअनुसार, निम्न व्यक्तिहरूलाई यो योजनाले समेट्नेछ:
1.गैरकानुनी रूपमा बसेका नेपाली नागरिक
2. शरणार्थी आवेदन दिएका तर स्वदेश फिर्ता हुन चाहने व्यक्ति
3. इजरायलमा 2(A)(5) भिसामा रहेका नेपालीहरू
यो योजनाले इच्छुक नेपाली नागरिकहरूलाई कानुनी परामर्श, यात्रा सम्बन्धी सहायता तथा सम्मानजनक तरिकाले स्वदेश फिर्ता गराउने आवश्यक सहयोग प्रदान गर्नेछ।
स्वदेश फिर्ता योजनामा समेटिने सेवा
PIBA ले यो योजनाअन्तर्गत निम्न सहयोग प्रदान गर्नेछ:
कानुनी सहायता – स्वदेश फिर्ता प्रक्रियाका लागि आवश्यक कानुनी परामर्श दिइनेछ। यात्रा सहजीकरण – आवश्यक कागजात, भिसा सम्बन्धी समस्या समाधान तथा हवाई टिकटको व्यवस्था गरिनेछ। सम्मानजनक फिर्ता – कुनै पनि दण्ड वा जबरजस्ती बिना नेपाली नागरिकलाई सुरक्षित रूपमा स्वदेश फिर्ता गराइनेछ। अन्य आवश्यक सहायता – यदि कसैलाई विशेष सहायता आवश्यक परेमा, PIBA ले सोही अनुसार व्यवस्था मिलाउनेछ।
फेसबुकमा इजरालयली जनसङ्ख्या तथा आप्रवाशन प्राधिकरण (PIBA) को स्व:ऐच्छिक स्वदेश फिर्ती सम्बन्धी सूचना शेयर गर्दै नेपाली दूतावास इजरायलले यस अवसरको सदुपयोग गर्नुहुन सम्बन्धित नेपालीहरुलाई सुझाव दिएको छ ।
यो पनि पढ्नुहोस ..
भिसा अस्वीकृत भएका केयरगिभरलाई तत्काल डिपोर्ट नगरिने
यसअघि इजरालयली जनसङ्ख्या तथा आप्रवाशन प्राधिकरण (PIBA) ले विशेष भिषा अप्लाई गरेका र निरन्तर सोही इम्प्लोयरसंग काम गरिरहेका अवैध कामदारको (केयरगिभरको लागि मात्र ) डिपोर्टेसन अप्रिल ३० सम्मका लागि स्थगन गरेको थियो । स्वेच्छिक फिर्तीको योजनासहित अप्रिल ३० पछि अवैध कामदारको डिपोर्टेसनमा इजरायली अध्यागमनले कडाई गर्ने संकेत गरेको छ ।
नेपालीहरु के भन्छन ?
इजरायलमा कार्यरत सुनिता गुरुङले – नेपालीहरु परदेशमा लुकेर बस्नु कुनै रहर नभई बाध्यता भएको प्रतिक्रिया दिनुभयो । – “आफ्नो देशको हालत हेर्दा बिरक्त लाग्दो छ के गर्ने बिचरा हामी नेपालीलाइ जता गयो तेतै लखेट्छ्न । ” यद्यपी केही नेपालीहरुले इजरालयली जनसङ्ख्या तथा आप्रवाशन प्राधिकरण (PIBA) को स्व:ऐच्छिक स्वदेश फिर्ती सम्बन्धी योजनालाई सकारात्मक रुपमा लिएका छन ।
यस योजना अन्तर्गत अवैध कामदारले केके सहयोग पाउनेछन ?
- घर फर्कने निशुल्क हवाई टिकट
- ट्राभल डकुमेन्ट नभएको अवस्थामा सो बनाउन सहयोग
- निवेदन दिएको मितिदेखि उड्ने दिनसम्म धरपकड या डिपोर्ट (निस्काशन) नगरिने(यसबाहेक सुडान, आइभरी कोस्ट, इरिट्रेरिया, इथियोपिया लगायत इजरायलको कुटनीतिक सम्बन्ध स्थापना नभएका देशहरुबाट शरणार्थीको रुपमा प्रवेश गरेका हरुले भने आर्थिक सहायता समेत पाउनेछन )
