बन्धक परिवारको दवाव पछि इजरायलले हमासलाई राख्यो प्रस्ताव : दुई महिना युद्ध रोकाैँ

यो पोष्ट AI Voice मा सुन्नुहोस 🔊

इजरायल र हमासबीच जारी युद्ध रोक्नको लागि इजरायलले पहल गरेको थालेको जनाइएको छ । इजरायलले हमासलाई एक प्रस्ताव पठाउँदै दुई महिना युद्ध रोक्न भनिएको छ ।

मध्यस्थको भूमिका खेल्ने इजिप्ट र कतारमार्फत यो प्रस्ताव पठाइएको इजरायलको रक्षा विभागसँग सम्बद्ध अधिकारीले जानकारी दिएका छन् । यो प्रस्तावमा गाजामा रहेका सबै बन्धकलाई रिहा गर्न माग गरिएको छ । गाजामा बन्धक बनाएका धेरै इजरायलीको परिवारले सरकारलाई दबाब दिइरहेका छन् ।

सोमबार संसदीय समितिको बैठकका क्रममा बन्धकका आफन्त संसदमा प्रवेश गरेका थिए । उनीहरूले प्यालेस्टाइनमा बन्धक मारिएको अवस्थामा यहाँ बैठक बस्न नमिल्ने बताएका थिए ।

यस्तै, आइतबार राति मानिसले आफ्ना परिवारका सदस्यलाई रिहा गर्न माग गर्दै इजरायली सरकारविरुद्ध प्रदर्शन गरेका थिए । गत ७ अक्टोबरदेखि जारी युद्धमा अहिलेसम्म २६ हजारभन्दा बढीको ज्यान गइसकेको छ । जसमा महिला र बालबालिका बढी रहेका छन् ।