काठमाडौं — नेपाल र इजरायलबीचको श्रम सम्झौता नवीकरण प्रक्रिया अघि बढाइएको छ। इजरायली कानुनमा सम्झौता स्वतः नवीकरण हुने प्रावधान नभएकाले नेपाल सरकारले औपचारिक रूपमा मस्यौदा तयार गरी मन्त्रिपरिषद् अन्तर्गतको क्याबिनेट समितिमा पेस गरेको हो।
हाल नेपालबाट इजरायलमा मुख्यतः केयर वर्कर पठाइँदै आएका छन्। इजरायलले कृषि तथा निर्माण क्षेत्रमा समेत नेपाली कामदार लैजान चासो देखाए पनि नेपाल सरकार अहिले ती क्षेत्रमा कामदार पठाउन इच्छुक छैन।
श्रम, रोजगार तथा सामाजिक सुरक्षा मन्त्रालयका सहसचिव जीवलाल भुसालका अनुसार, इजरायल र गाजास्थित हमास समूहबीच जारी द्वन्द्व र अन्य मुलुकहरूसँगको युद्धजन्य परिस्थितिका कारण कृषि तथा निर्माण क्षेत्रमा कामदार पठाउनु जोखिमपूर्ण हुने आकलन गरिएको हो। “हामीले वर्तमान सुरक्षा परिस्थितिलाई प्राथमिकतामा राखेर निर्णय लिएका हौं,” भुसालले स्पष्ट पारे।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
