गाजामा पूर्ण नियन्त्रण लिनेबारे इजरायलमा व्यापक छलफल, हमासको पतन अपरिहार्य

गाजा पट्टीमा हमाससँग झन्डै दुई वर्षदेखि चलिरहेको युद्ध पुनः निर्णायक मोडमा प्रवेश गर्न लागेको संकेतहरू देखिन थालेका छन्। यसै सन्दर्भमा युद्धको आगामी रणनीत कसरी तय गर्ने बिषयमा इजरायली अधिकारीहरुमा व्यापक छलफल भैरहेको छ ।

इजरायली सञ्चारमाध्यमहरूका अनुसार—बैठकको केन्द्रमा ‘गाजा पट्टीमाथि पूर्ण नियन्त्रण’ भन्ने धारणा रहेको छ। सम्भावित सैन्य कारबाहीमार्फत हमासको नियन्त्रणमा रहेका बाँकी क्षेत्रहरूमा इजरायली सेना अघि बढ्ने तयारी गरिरहेको चर्चा उच्च राजनीतिक तहमा चलेको छ।

प्रधानमन्त्री बेन्जामिन नेतन्याहूको कार्यालयले पनि गाजामाथिको पुनः कब्जालाई संकेत गर्दै अन्तर्राष्ट्रिय संचारमाध्यमहरूलाई सतर्क बनाएको छ। अलजजिराले जनाएको अनुसार, नेतन्याहूको प्रशासन अब युद्धलाई अन्तिम चरणतर्फ लैजाने मनस्थिति बनाउँदैछ।

इजरायलको दृष्टिकोण स्पष्ट छ—जबसम्म हमासले पूर्ण आत्मसमर्पण गर्दैन, तबसम्म बन्धकहरूको रिहाइ सम्भव छैन। अझै गम्भीर कुरा त के छ भने, इजरायली पक्षले चेतावनी दिँदै भनेको छ—यदि अबको कारबाही ढिला गरियो भने, गाजामा रहेका बन्धकहरू भोक र उपचारको अभावले मृत्युको मुखमा पर्नेछन्, र यसले हमासलाई पुनः शक्तिशाली बनाउनेछ।

यस्तो संवेदनशील घडीमा अमेरिकाका मध्यपूर्व दूत स्टिभ विटकोफ शान्ति स्थापनाको सम्भावनाबारे कुराकानी गर्दै आएका छन्। उनी इजरायलको युद्ध नीति त्यस विपरीत दिशामा अघि बढिरहेको स्पष्ट देखिन्छ।

अधिकारीका अनुसार, “प्रधानमन्त्रीले आगामी कदमहरूका लागि सबै सम्भावनाहरूको समीक्षा गरिरहेका छन्।” अमेरिकी राष्ट्रपति डोनाल्ड ट्रम्पका विशेष दूत स्टिभ विटकोफ अमेरिका फर्किएका छन्, जसको उद्देश्य राष्ट्रपति ट्रम्पसँग भेट गर्नु र बन्धक सम्झौता सबै बन्धकहरूलाई समेट्ने हुनुपर्छ भन्ने व्यापक सहमति प्रस्तुत गर्नु हो।

स्रोतहरूले बताएअनुसार प्रधानमन्त्री नेतन्याहूले गाजा पट्टीमाथि पूर्ण कब्जाको निर्णय गरिसकेका छन्—यसमा बन्धकहरू राखिएका क्षेत्रहरूमा पनि सैन्य अभियान गर्ने योजना समावेश छ।

प्रधानमन्त्रीको कार्यालयले इजरायली सेनाका प्रमुख लेफ्टिनेन्ट जनरल इयाल जमिर लाई स्पष्ट सन्देश दिएको छ:
“यदि यो निर्णय तपाईंलाई स्वीकार्य छैन भने, तपाईंले राजीनामा दिनु उचित हुन्छ।”

यता, गाजामाथि कब्जा गर्ने योजना सम्बन्धी रिपोर्टहरूबारे हमास ले प्रतिक्रिया दिँदै भनेको छ: “इजरायलका धम्कीहरू दोहोरिइरहेका छन्, तिनमा कुनै मूल्य छैन र तिनले हाम्रो निर्णयलाई असर पार्दैनन्।”

यो सब घटनाक्रम दोहा मा हमास, इजरायल र मध्यस्थकर्ताबीच महिनौंदेखि चलिरहेको युद्धविराम–बन्धक सम्झौताको वार्तापछि सार्वजनिक भएको हो।

Ask ChatGPT