मञ्जु थपलिया
कथा मेरो अर्कै लेखिन् सक्थ्यो की?
मुहार मेरो पनि फेरिन सक्थ्यो की?
तीसै वर्षे जिन्दगीको भारी कति साह्रो,
सपनालाई बिर्सिएर बाँच्न कति गाह्रो!
कहिले होला काठमाडौँले मलाई देख्ने,
कहिले होला मेरो गाउँले नयाँ कथा लेख्ने?
आँखाभरि ढकमक्क गुराँसलाई चिन्ने,
गुराँसका फेदमुनि दुःख कसले देख्ने?
कहिले होला मेरो गाउँले नयाँ कथा लेख्ने,
कहिले होला काठमाडौँले मलाई देख्ने?????
एन आर एन इजरायलमा आबद्ध मञ्जु थपलिया इजरायलको तेल हा सोमेर अस्पतालमा कार्यरत हुनुहुन्छ ।
