गिरिराज ओली ‘अर्जुन’
इजरायल
प्रभात कुद्दै कुद्दै, अँध्यारो छाउँछ यहाँ,
सत्य खोज्न निस्कँदा, झुटको बाटो लाउँछ यहाँ।
इमानको मूल्य छैन, स्वार्थ नै प्रधान छ,
बफादारीको कथा भन्दा, धोका नै सम्मान छ।
घामले हँसाए पनि, बादलले छेक्छ यहाँ,
साँचो बोल्नेलाई, संसारले ठगेको देख्छ यहाँ।
मन सफा राखे पनि, दोषी ठहरिन्छ यहाँ,
मित्रताको नाममा, शकुनीकै खेल चल्छ यहाँ।
सपना बुन्दै हिँड्दा, विश्वास टुट्छ यहाँ,
माया खोज्न जाँदा, स्वार्थको मोल उठ्छ यहाँ।
साँचो साथ खोज्दा, बेइमानी हात पर्छ,
हरेक सम्बन्धको अन्त्य, धोका दिएर हुन्छ यहाँ।
केही भन्नु छ भने 💬
