हमासका एक वरिष्ठ अधिकारीले सोमबार विश्वभरका समर्थकलाई हतियार उठाउन र अमेरिकी राष्ट्रपति डोनाल्ड ट्रम्पले २० लाखभन्दा बढी गाजावासीलाई इजिप्ट र जोर्डनजस्ता छिमेकी देशमा स्थानान्तरण गर्ने योजनाविरुद्ध लड्न आह्वान गरेका छन् ।
सामी अबु जुहारीले एक विज्ञप्ति जारी गर्दै भनेका छन्, ‘नरसंहार र भोकमरीको संयोजन गर्ने यो कुटिल योजनाको सामना गर्न विश्वको जुनसुकै कुनामा पनि हतियार बोक्न सक्ने जो कोहीले पनि कदम चाल्नुपर्छ । विष्फोटक पदार्थ, गोली, चक्कु वा ढुङ्गा नरोक्नुहोस् । सबैले आफ्नो मौनता तोडिदेओस् ।’
इजरायली प्रधानमन्त्री बेन्जामिन नेतन्याहूले हमासका नेताहरूलाई गाजा छोड्न दिने प्रस्ताव गरेको एक दिनपछि अबु जुहरीले यो आह्वान गरेका थिए । तर, गाजामा युद्धको अन्तिम चरणमा प्यालेस्टिनी लडाकू समूहलाई निःशस्त्रीकरण गर्न माग गरेका थिए ।
उक्त अवसरमा नेतन्याहूले गाजावासीलाई अन्य देशमा विस्थापित गर्ने ट्रम्पको योजनाका लागि इजरायलले काम गरिरहेको बताए ।
यो पनि पढ्नुहोस
जब डोनाल्ड ट्रम्पले गाजाको भविष्य भन्दै नेतान्यहू र ट्रंप समुन्द्र किनारमा रमाइरहेको एलन मस्कले खुमुस खाइरहेको अनौठो ए आइ भिडियो शेयर गरे
नेतन्याहूले युद्धपछि इजरायलले गाजामा समग्र सुरक्षा सुनिश्चित गर्ने र प्यालेस्टिनी क्षेत्रमा बसोबास गर्ने सबै २४ लाख मानिसलाई सामूहिक विस्थापनका लागि आह्वान गरेको ट्रम्प योजनाको कार्यान्वयनलाई सक्षम बनाउने र यसलाई ‘स्वैच्छिक आप्रवासन योजना’ को संज्ञा दिएका छन् ।
डोनाल्ड ट्रम्पले गत महिना गाजाका जनतालाई विस्थापित गरी सो क्षेत्रको स्वामित्व र विकासको जिम्मा आफुले लिने अनौठो प्रस्ताव गरेका थिए । उनले मध्यपूर्वको संकट व्यवस्थापन गर्न अमेरिकी घर जग्गा व्यवसायी स्टिभ विटकोफलाई नियुक्त गरेका छन ।
गत जनवरीमा पदभार ग्रहण गरेको केही दिनपछि ट्रम्पले गाजाबाट गाजावासीलाई हटाउन प्रस्ताव गरेका थिए ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
