गिरिराज ओली
खुट्टा तान्ने सहरको भीड होइन,
हात तान्ने गाउँको माया मन पर्छ।
जहाँ सम्बन्धहरू मुखौटा लाउँदैनन्,
त्यही न्यानो झुपडीको छाया मन पर्छ।
सहरमा मन त के नामसम्म बेग्लिन्छ,
गाउँमा नाता बिना सर्त जोडिन्छ।
कोलाहलको चमक छिट्टै ओझेल पर्छ,
तर एकान्तको शान्तिमा आत्मा रमाउँछ।
महलका झ्यालहरू बन्द लाग्छन्,
झुपडीका ढोका सधैँ खुला हुन्छन्।
कृत्रिम मुस्कान भन्दा सत्य आँसु प्यारो,
यसैले गाउँको सादगी सहरभन्दा राम्रो।
केही भन्नु छ भने 💬
