नमस्ते नेपाल हातेमालो सामाजिक संस्था इजरायलको आठौं अधिवेशन सम्पन्न, राजकुमारी श्रेष्ठको नेतृत्वमा नयाँ कार्यसमिति

नमस्ते नेपाल हातेमालो सामाजिक संस्थाको शाखा समन्वय समिति इजरायलको आठौं अधिवेशन सम्पन्न भएको छ ।

‘मनोरञ्जन परोपकार र लगानी क्षेत्रको पहिचान नमस्ते नेपाल हातेमालो सामाजिक संस्थाको अभियान’ भन्ने मुल नाराका साथ बि.सं. ०७० सालमा स्थापित उक्त संस्थामो आठौँ अधिवेशन यहि भदौ २२ गते शुक्रबार, ८ सेप्टेम्बरमा ने. सं.११४३ गुंलागा नवमी, ई.सं. नोकिया पार्क तेलअविवमा अध्यक्ष चिनु सुवेदीको सभापतित्वमा सम्पन्न भएको हो ।

आठौँ अधिबेशनबाट अध्यक्षमा राजकुमारी श्रेष्ठ निर्वाचित हुनुभएको छ भने वरिष्ठ उपाध्यक्षमा इन्दिरा केसी, उपाध्यक्षमा रेखा पन्त र कटक श्रेष्ठ चयन भएका छन् । यस्तै सचीवमा स्वस्तिका श्रेष्ठ, कोषाध्यक्षमा अमीरा थापा श्रेष्ठ, सह–कोषाध्यक्षमा अर्चु भण्डारी निर्वाचत भएका छन् ।

सदस्यहरुमा क्रमशः निरु ठकुरी, अलि मोहम्मद मिया, सृजना न्यौपाने रिजाल, अरूणा खड्का र सल्लाहकारमा मनु श्रेष्ठ, बिमला श्रेष्ठ, शम्भु प्रसाद खनाल, शान्ता ज्ञवाली अधिकारी, देव वास्कोटा, कुमार पौडेल चयन भएका छन् । यसैबीच संरक्षकमा भिमा थापा, चिनु सुवेदी रहेका छन् । कार्यक्रममा इजरायलमा बस्दै आइरहेको नेपालीहरुको सहभागीता रहेको थियो ।