काठमाडौं, २६ असोज । इजरायलमा अलपत्र परेका नेपाली विद्यार्थीहरुलाई नेपाल सरकारले स्वदेश फर्काएको छ । मन्त्रिपरिषदको निर्णयअनुसार परराष्ट्रमन्त्री एनपी साउद आफै गएर राजधानी तेल अबिब पुगेर विद्यार्थीहरु ल्याएका हुन् ।
२५४ जना नेपाली विद्यार्थी बोकेको बिमान आज शुक्रबार बिहान नेपाल आइपुगेको हो । काठमाडौं आइपुग्दा विद्यार्थीहरु निकै खुशी देखिन्थे । धेरैले आँशु थाम्न सकेका थिएनन् । ती मध्ये एक थिइन् । शोभा पासवान ।
”तीन दिनजति गाह्रो गरी बितायौं । पहिला दिन २४ घन्टा बंकरभित्र मात्र बसेर वितायौं । २४ घन्टापछि केही छिन वासरुम जान मिल्छ भन्नुभयो । तर, बाहिर जाने बित्तिकै लगातार साइरन बजिरहेको थियो । त्यो ५ मिनेटभित्र जान पाएको छैन, भित्रभित्र भनेपछि फेरि भित्र आयौं ।
सानो बंकर थियो । नर्सरीमा काम गर्ने साथीहरु थियौं । अर्को चोटी बाहिर निस्किएको भनेको अर्को २४ घन्टापछि हो । हामीभित्र बसेर सामाचार सुनिरहेका थियौं । साथीहरु गुमायौं भन्ने थाहा पायौं । त्यसपछि मानसिक रुपमा पनि कमजोर भयौं । हाम्रै क्षेत्रमा भएका साथीहरु मारिए भन्ने भएपछि हामी पनि बाँच्दैनौं होला भन्ने भयो । साथीहरुले ‘वीआर नेपाली वीआर नेपाली’ भनिरहेका थिए, तर उनीहरुले सुनेनन्, सिधै सुट गरिदिए ।
हाम्रोबाट २०–२५ मिनेटको टाढा दुरीमा थिए उनीहरु । आकाश पुरै कालो थियो धुवाँधुवाले भरिएको थियो त्यो दिन घामपनि राम्रोसँग उदाएको थिएन ।
हामीसँगै लि गरेको साथी राजेश्वर स्वर्णकारलाई हामीले गुमाएका छौं । अर्को साथी गणेश नेपालीलाई गुमाएका छौं । उनीहरुको पनि घर बझाङ नै हो । इन्टरमेटहरु गुमाउँदा कति पीडा हुन्छ भन्न सक्दिन, त्यो बम आयो ठिक छ मिसाइल आयो ठिक छ हामी बच्यौं ओके सबै ठिक हुँदा हुँदै पनि हामीले साथी गुमायौं त्यो ट्रमा चाँही लाइफ टाइम ट्रमा भयो के ?”
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
%20(1).gif)
1 Comment
Hi! Do you know if they make any plugins to assist with Search Engine Optimization? I’m trying to get my blog to rank for some targeted keywords but
I’m not seeing very good success. If you know of any
please share. Thanks! You can read similar blog here: Eco blankets