गाजापट्टिबाट हमासले आक्रमण गरी हजारौं निहत्था नागरिकको क्रुर र निर्मम हत्या गरेपछि क्रुद्ध बनेको इजरायलले यसपालीको लडाईलाई हालसम्मकै ठूलो ऐतिहासिक युद्दको रुपमा हेरेको छ । गर या मरको शैलीमा प्रत्याक्रमणमा उत्रिएको इजरायली सैनिकले यसपाली प्यालेस्टाइनबाट हमासको नाम निशान मेट्ने प्रण गरेको कुरा संचार माध्यममा आएका छन ।
प्यालेस्टाइनी अतिवादी समूह हमासले इजरायलले गरेको हवाई आक्रमणमा १३ जना आफ्नै देसका बन्धक समेत मारिएको दाबी गरेको छ । हमासको सैन्य शाखाका अनुसार गाजा पट्टीमा इजरायली हवाई आक्रमणमा पछिल्लो २४ घण्टामा कम्तीमा १३ इजरायली बन्दी र विदेशी बन्धक मारिएका छन् ।
‘इजरायललाई आफनो नागरिक प्रति पनि कुनै संवेदनशिल छैन, उसले हवाई हमलामार्फत आफनै नागरिक र बिदेशीहरुको हत्या गरेको छ,’ हमासका सैन्य कमाण्डरले भनेका छन् ।
हमासको विज्ञप्तिअनुसार गाजाका पाँच स्थानमा यी व्यक्तिहरुको मृत्यु भएको हो । गत अक्टोबर ७ मा हमासले इजरायलमा आक्रमण गर्दा १५० जनालाई अपहरण पनि गरेर प्यालेस्टाइनी भुमीतर्फ लगेको थियो ।
साथै, हमासले इजरायलमा फेरी रकेट प्रहार गरेको छ । टाइम्स अफ इजरायलका अनुसार हमासले इजरायली सहर अस्केलोनमा १५० रकेट प्रहार गरेको छ । अश्कलोनबाट प्राप्त तस्विरहरूमा रकेटहरू खसेको देख्न सकिन्छ। हमासले आक्रमण गर्नुअघि सहरमा साइरन पनि बजिरहेको सो मिडियाले जनाएको छ ।
उता, जारी युद्ध रोकिने कुनै छाँटकाँट नदेखि रहेको बेला इजरायली ट्याङ्कहरू गाजा सीमातर्फ अघि बढिरहेको जनाईएको छ । इजरायली सेनाले गाजापट्टी नजिक ३ लाख सैनिक तैनाथ गरेको छ । अहिले क्रमशः ट्याङ्क पनि यही दिशामा पठाइँदैछ । इजरायली सेनाले स्पष्ट रूपमा हमासलाई समाप्त गर्ने बताए पछि आक्रामक रुपमा इजरायल युद्धमा उत्रेको छ ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
