अक्टोबर ७ मा प्यालेस्टाइनी समूह हमासले बमबारी सुरु गर्दै इजरायलमा हमला सुरु गर्यो । हमासले २० मिनेटको समयमा एकैसाथ ५ सय भन्दा बढी क्षेप्यास्त्र प्रहार गर्दै हवाई स्थल तथा जलमार्ग बाट एकै पटक आक्रमण गर्दा इजरायलमा हालसम्म्कै ठुलो क्षति भयो , इजरायलमा रहेका इजरायली तथा विदेशी नागरिकहरु सैयौंको संख्यामा हताहत र घाइते हुन पुगे ।
इजरायलमा हमासले आक्रमणसँगै शिशुदेखि वृद्ध मानिसहरूलाई बन्धक बनाइएको थियो । अहिले हमासले झण्डै एक सय जनालाई बन्धकमुक्त गरेको छ । हमासको आतंककारी हमलामा परि हजारौं जनाको मत्यु हुनुका हजारौं घाइते र केही वेपत्ता छन् । प्यालेस्टाइनाी लडाकु संगठन र गाजाका अन्य समूहहरूले युद्धरत रूपमा आक्रमण गरेको अनुमान गरिएको छ ।
हमासले आफ्नो कब्जाबाट रिहा गरेका केही नागरिकले बन्धकमा रहेको बखतका अनुभव साटेका छन् । बन्धक रहेका मानिसहरु अँध्यारोमा चुपचाप बस्न बाध्य छन् । थोरै रासन मात्र खुवाइने उनीहरुले बताएका छन् । यसका साथै किरा र जुम्राको हैरानी समेत खेप्नु परेको छ ।
यस्तो छ हमासमले बन्धक बनाएकाहरुको अवस्था
हमासले गाजा क्षेत्रमा बन्धक बनाएकाहरुलाई रेडक्रस र अन्य मानवीय समूहहरूसँग भेट्न अनुमति दिइएको छैन । परिणामस्वरुप बन्धकका आफन्तहरूले गाजामा रहेका आफ्ना प्रियजनहरूलाई के भइरहेको भन्ने थाहा पाउन सकिरहेका छैनन् । इजरायल र हमासबीचको सम्झौता अनुसार रिहा भएका अधिकांश महिला, बालबालिका र विदेशी कामदार रहेका छन् । बन्धकहरू विभिन्न स्थानहरूमा र विभिन्न समूहहरूको कब्जामा रहेको आशंका गरिएको छ ।
सबै बन्धकहरूलाई एकै किसिमले व्यवहार नगरिएको बताइएको छ। यद्धपी रिहा भएका हरेक नागरिकले आ–आफ्नै भोगाई बोल्दै आएका छन् । अस्थायी युद्धविराम सम्झौताले हालसम्म ८१ इजरायली, २३ थाई नागरिक र एक फिलिपिनोसहित १०५ नागरिकलाई हमासको बन्दीबाट मुक्त गरेको छ । इजरायलले गाजामा करिब १३७ बन्धकहरू अझै बाँकी रहेको विश्वास गरेको छ ।
केही भन्नु छ भने 💬
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
