गाजा । इजरायलले कब्जा गरेको जेनिन सहरको मस्जिदमा इजरायली सैनिकहरूले यहुदीहरूको प्रार्थना गरिरहेको भिडियो सार्वजनिक भएको छ।
भिडियोमा यी सैनिकहरूले जुत्ता लगाएका छन् र प्रार्थना हलमा देखिएका छन्। भिडियोमा यी सैनिकहरूलाई मस्जिदको माइक्रोफोनमा यहुदीहरूको प्रार्थना दोहोर्याउँदै गरेको देख्न सकिन्छ।
यस भिडियोको जवाफ दिँदै इजरायली सेनाले सैनिकहरूको व्यवहार गम्भीर र इजरायल रक्षा बलको मूल्यमान्यता विपरीत भएको बताएको छ। सेनाले भिडियोमा देखिएका सिपाहीलाई ड्युटीबाट हटाएको जनाएको छ ।
इजरायली सेनाले जेनिनको शरणार्थी शिविरमा खोजी अभियान चलाइरहेको छ । सेनाले खोजीका क्रममा दर्जनौं हतियार र विस्फोटक पदार्थ बनाउने प्रयोगशाला भेटिएको जनाएको छ । यसबाहेक सुरुङ पनि फेला परेको छ ।
यस कारबाहीका क्रममा १३ वर्षीय बालकसहित ११ प्यालेस्टिनी मारिएका छन् । ती बालकलाई अस्पताल पुग्न समेत नदिइएको आरोप छ ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
