इजरायलमा कार्यरत भारतीय राहदानी वाहक एक महिलाको कप्लान अस्पतालमा असामयिक निधन भएको खबर प्राप्त भएको छ । उनी केयरगिभर भिसामा कार्यरत थिइन ।
सामाजिक सन्जालमा प्राप्त पासपोर्टका आधारमा उनको परीचय यसप्रकार रहेको छ । नाम इन्दिरा भट्टराई, ठेगाना नेवार गाउँ, भुटिया वस्ति सदर दार्जिलिङ । उनको परिवारको बारेमा कसैलाई कुनै पनि प्रकारको जानकारी भएमा उपलब्ध गराइदिनुहुन इन्डियन गोर्खाज कम्पनीले एक फेसबुक पोस्ट मार्फत अनुरोध गरेको छ ।
सामाजिक सञ्जालमा आएका प्रतिक्रियाका आधारमा सो स्थानमा उपरोक्त नाम थर र व्यहोराको व्यक्ति भए नभएको यकीन हुन सकेको छैन । यसले इजरायलमा रहेका नेपाली तथा भारतीय समुदायमा कतै उनी भारतीय राहदानी वाहक नेपाली त थिइनन भन्ने आशंका जन्माएको छ ।
यस घटनाका सम्बन्धमा अन्य विवरण आउन बाकी छ ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
