वैदेशिक रोजगारीका लागि साउदी अरब उड्न लागेका एकजना युवक जहाज छुटेपछि काठमाडौंबाटै हराएका छन्।
यही पुस ६ गते साउदी अरब उड्न त्रिभुवन विमानस्थलमा प्रवेश गरेपछि पाल्पालको पूर्व खोला गाउँपालिका-१ सिलुवाका २३ वर्षीय विक्रम पंगेनी हराएका हुन्।
रोजगारीका लागि साउदी अरब त्रिभुवन अन्तर्राष्ट्रिय विमानस्थलभित्र गएका उनी जहाज छुटेपछि मध्यराति ११ बजेर २० मिनेटमा बाहिरिएका थिए।
उनका दाजु सागर पंगेनीका अनुसार विमानस्थलबाट बाहिरिएपछि हप्ता बित्न लाग्दा पनि उनी परिवारको सम्पर्कमा आएका छैनन्। पंगेनीले भाइको खोजीका लागि प्रहरीसँग पनि सहयोग मागेको बताएका छन्।
केही भन्नु छ भने 💬
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
