इजरायलमा ह्योल्मो सोनाम लोसारको अवसरमा एक बिशेष कार्यक्रम

इजरायल/जेरुसलेम – नयाँ वर्ष २१५१ औँ स्यीङ फो डुक ल्हो (गडूल वर्ग) ह्योल्मो सोनाम लोसारको अवसरमा एक विशेष कार्यक्रम हुने भएको छ ।

ह्योल्मो समाज इजरायलले यही फेब्रुअरी ०९ शुक्रबारका दिन बौद्ध धर्मवलम्बीहरुको महान् राष्ट्रिय पर्व अर्थात् नयाँ वर्ष २१५१ औँ स्यीङ फो डुक ल्हो (गडूल वर्ग) ह्योल्मो सोनाम लोसारको अवसरमा विविध पुजापठ, शुभकामना आदानप्रदान सहित स्थानीय कलाकारहरूको मौलिक प्रस्तुति एवं ह्योल्मो सांस्कृतिक श्याब्रु , देर्ग, स्वादिष्ट खानाको साथमा कार्यक्रम आयोजना गर्ने भएको हो ।

ह्योल्मो समाज इजरायलको सूचना

टासी देलेक नमस्कार एव संयुक्त आदिवासी अभिवादन ।

मिति :२०२४ फेब्रुअरी ०९ शुक्रवार
समय : ७ बजे साँझ
स्थान : yad Harutsim 15 Tel Aviv

”ह्योल्मो हाम्रो पहिचान, ह्योल्मो हाम्रो अधिकार”

ह्योल्मो भाषा,भेषभुषा धर्म, कला संस्कृतिको, संरक्षण र संवर्द्धन गरौँ भन्ने मूल नाराको साथमा 2006 मा स्थापन भएको ह्योल्मो समाज इजरायल द्वारा आयोजित प्रत्येक वर्ष जस्तै यो वर्ष पनि बौद्ध धर्मवलम्बीहरुको महान् राष्ट्रिय पर्व अर्थात् नयाँ वर्ष २१५१ औँ स्यीङ फो डुक ल्हो( गडूल वर्ग ) ह्योल्मो सोनाम लोसारको शुभ अवसरमा विविधता पूर्वक पुजापठ,शुभकामना आदानप्रदान सहित स्थानीय कलाकारहरूको मौलिक प्रस्तुति एवं ह्योल्मो सांस्कृतिक श्याब्रु , देर्ग, स्वादिष्ट खाना रात्रि भोजको साथमा कार्यक्रम आयोजना गरिएको हुँदा उक्त कार्यक्रममा तपसिल बमोजिम इजरायलमा क्रियाशील विभिन्न संघसस्थाका प्रमुख ज्युहरू, पत्रकार ज्यु हरू, साथै समाजसेवी ब्यत्तित्व ज्युहरू लगायत इजरायलमा कार्यरत सम्पूर्ण ह्योल्मो आदा ,न्हो,आजि, न्होमो लगायत इजरायल वासी नेपाली दाजु भाइ तथा दिदिबहिनीहरु सम्पूर्णमा गरिमामय उपस्थितिको निमित्त ह्योल्मो समाज इजरायल परिवार सविनय अनुरोध सहित हार्दिक निमन्त्रणा गर्दछौँ|
थुजे छ्ये।

मिति :२०२४ फेब्रुअरी ०९ शुक्रवार
समय : ७ बजे साँझ
स्थान : yad Harutsim 15 Tel Aviv