जेरुसेलम इजरायल – नेपाली नयाँ बर्ष २०८१ को अवसरमा आगामी अप्रिल १२ का दिन नेपाल मगर संघ इजरायलले नयाँ बर्षको स्वागतार्थ एक बिशेष सांगीतिक कार्यक्रमको आयोजना गर्ने भएको छ ।
नेपाल मगर संघ इजरायलले नेपालबाट ख्यातिप्राप्त कलाकारहरु ल्याएर इजरायलबासी नेपालीहरुलाई सांस्कृतिक मनोरञ्जन दिदै नयाँ बर्ष २०८१ लाई स्वागत गर्ने तयारी गरिरहेको जानकारी दिएको छ । यद्यपि यसपाली नयाँ बर्षमा नेपालबाट इजरायल आउने कलाकारहरुको अन्तिम टुङ्गो भने लागिसकेको छैन तर पनि ख्यातिप्राप्त कलाकारहरुसँग कुराकानी भैइरहेको मगर संघले जनाएको छ ।
इजरायलमा सन् २०१३ मा स्थापित भएको नेपाल मगर संघले विगतमा पनि बार्षिकरुपमा बिभिन्न सांस्कृतिक र मनोरञ्जनात्मक कार्यक्रमहरु गर्दै आइरहेको छ ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
