के इजरायल सजिलै जान सकिने भएको हो ? माग त आयो भिसा आउला कि नआउला ?

जेरुसलेम : एकातिर वैदेशिक रोजगारीको लागि इजरायल आकर्षक गन्तव्य मानिदै आएको छ भने उता प्यालेस्टाइनसँग चर्किएको अनन्त लामो हिंसा र द्वन्दले गर्दा इजरायलको कृषि तथा निर्माण क्षेत्रमा कामदारको चर्को अभाव भएको छ । यसै अभावलाई मध्यनजर गर्दै इजरायलले कामदार आपुर्तिका लागि नेपाल भारत थाइल्यान्ड जस्ता देशहरुबाट कामदार झिकाउन थालेको छ । सुरक्षाका कारण इजरायलमा ठूलो संख्यामा रहेका प्यालेस्टिनी कामदारहरु विस्थापित भएपछि कामदारको अभाव भएको हो ।

भारतबाट यस अघि नै ठूलो संख्यामा कामदार जान थालिसकेका छन भने अन्य देशहरुबाट पनि यसअघि कृषि अध्ययनका लागि इजरायल आएर स्वदेश फर्किएका विद्यार्थीलाई कामदारको रुपमा पुन लगिएको छ । यसै क्रममा काठमाडौं इन्टरनेशनल इन्कर्पारेट प्रा.लि.ले इजरायलको ब्लु शिर्ट इन्टरप्राइजेज कम्पनीका लागि २ सय जना कृषि कामदारको माग ल्याएको जानकारी दिएको छ । यसले वैदेशिक रोजगार क्षेत्रमा तरंग पैदा गरेको छ । त्यसअघि श्रम, रोजगार तथा सामाजिक सुरक्षा मन्त्रालयले जापानसँग सन् २०१९ को मार्चमा भएको मेमोरेण्डम अफ कोअपरेशन अन्तर्गत निश्चित सीपयुक्त श्रमिक पठाउनेसम्बन्धी कार्यविधि, २०८० सार्वजनिक गरेको थियो ।

उक्त कार्यविधि सार्वजनिक भएपछि खुसी भएको नेपाल वैदेशिक रोजगार व्यवसायी संघले लामो समयदेखिको माग पूरा भएको भन्दै श्रम, रोजगार तथा सामाजिक सुरक्षा मन्त्री शरतसिंह भण्डारीसहित मन्त्रालयका सचिवसहित उच्च अधिकारीहरुप्रति आभार नै व्यक्त ग¥यो । तर समग्र वैदेशिक रोजगारका क्षेत्रमा जापानको रोजगारीभन्दा सरकारी स्तरमा मात्र कामदार पठाउन पाउने इजरायलमा निजी क्षेत्रले पनि कामदार पठाउन पाउने विषयमा चासो बढाएको छ ।

 

सँगसँगै काठमाडौं इन्टरनेशनल इन्कर्पोरेट प्रा.लि.ले इजरायलको ब्लु शिर्ट इन्टरप्राइजेज कम्पनीका लागि ल्याएको २ सय पुरुष कृषि कामदारको मागपछि भिसा कति छिटो आउँछ होला भन्ने विषयमा पनि आम व्यवसायीको ध्यान गएको छ ।

 

इजरायलको लागि जिटुजीको झन्झट हट्यो, म्यानपावर मार्फत कृषिमा जान सकिने

नेपाली दूतावासबाट मागपत्र प्रमाणीकरण भएकै भरमा भिसा पाइहाल्न नसक्ने टिप्पणी कतिपयले गरेका छन् । कतिपयले डिमाण्ड आएपछि भिसा पनि अवश्य आउनेमा शंका नरहेको बताएका छन् । समाचार स्रोतका अनुसार नेपाली म्यानपावर कम्पनीले पेस गर्ने भिसासम्बन्धी आवेदनमा भिसा प्रदान गर्ने इजरायली सरकारी निकायले मार्च १ तारिकमा निर्णय गर्ने अवस्था रहेको बताइएको छ ।

२ वर्षे करार अवधिका लागि नेपालबाट जाने कृषि कामदारले मासिक न्यूनतम २ लाख ८ सय ९० रूपैयाँ तलब पाउनेछन् । नेपालमा हुने प्रि मेडिकल, म्यादी जीवन बीमालगायतका खर्च कामदार आफैंले व्यहोर्नुपर्ने प्रावधान छ । युद्धका कारण कृषि क्षेत्रमा कार्यरत विदेशी कामदार स्वदेश फिर्ता भएपछि इजरायल सरकारले निजी क्षेत्रलाई ९० दिनभित्र विदेशी कामदार ल्याउन सहुलियत दिएपछि नेपालमा पनि म्यानपावर कम्पनीहरूले सरकारले खुला गरेका विश्वका अन्य मुलुकमा जस्तै इजरायलमा पनि कामदार पठाउन पाउनुपर्ने माग जोडतोडले उठाएका थिए ।

केही भन्नु छ भने 💬