Israel को Kinneret Academic College का नेपालस्थित आधिकारिक प्रतिनिधि नरेन्द्र थापाद्वारा महामहिम राजदूत शमुलिक बाससँग शिष्टाचार भेट

Israel को Kinneret Academic College का नेपाल प्रतिनिधि नरेन्द्र थापाले हालै इजरायलका महामहिम राजदूत शमुलिक बाससँग काठमाडौँ स्थित इजरायली दूतावासमा सौहार्दपूर्ण र अर्थपूर्ण शिष्टाचार भेट गर्नुभएको छ।

भेटका क्रममा ‘Learn and Earn’ कार्यक्रम अन्तर्गत इजरायलमा कृषि क्षेत्रमा अध्ययन गर्दै रोजगारीमा संलग्न नेपाली युवाहरूको अनुभव, अवसर र आगामी सम्भावनाबारे गम्भीर छलफल गरिएको थियो। दुवै पक्षबीच उक्त कार्यक्रममा नेपाली युवालाई अन्तर्राष्ट्रिय स्तरको शिक्षा, सीप र रोजगारीका अवसर प्रदान गर्दै आएको सकारात्मक प्रभावबारे धारणा आदान–प्रदान भएको बताउनु भएको थियो। महामहिम राजदूत बास र प्रतिनिधि थापाबीच नेपाल–इजरायल सम्बन्ध, आपसी सम्मान, शान्ति, मित्रता र भावी सहकार्यबारे खुला र आत्मीय संवाद भएको थियो।

महामहिम राजदूत बासले नेपाली युवाको सरलता, मेहनत र निष्ठाको खुलेर प्रशंसा गर्दै दुवै देशबीचको सम्बन्ध अझ मजबुत हुँदै गएको बताउनु भएको थियो। त्यस्तै, थापाले इजरायली सरकार, दूतावास र Kinneret Academic College बीचको सहकार्यलाई थप सुदृढ बनाउने प्रतिबद्धता व्यक्त गर्नुभयो। शिष्टाचार भेटले नेपाल–इजरायल सम्बन्धलाई अझ विश्वासिलो, गहिरो र दीर्घकालीन साझेदारीतर्फ उन्मुख गराउने अन्य क्षेत्रमा पनि विकासको साझा धारण र सहयोग गर्ने अपेक्षा गरिएको छ।