तमू समाज इजरायलको एघारौं अधिबेशन २०८२ भव्यतापूर्वक सम्पन्न

नेपाल इजरायल डट कम – तमू समाज इजरायलको एघारौं अधिबेशन इजरायलको तेल अभिवमा सम्पन्न भएको छ । एघारौं अधिबेशन २०२५ बाट अध्यक्ष पदमा श्री रेखा तमूस्यो निर्विरोध निर्वाचित भएकी छन् भने उनको संयोजकत्वमा ३० सदस्यीय कार्यसमिति गठन गरिएको छ जसमा तीन जना संरक्षक समिति सदस्य र चार जना सल्लाहकार समिति सदस्यहरू पनि निर्वाचित भएका छन्।

“प्ये म्हस्याँ छ्या म्हमु, छ्या म्हस्याँ, ल्हु म्हमु, ल्हु म्हस्याँ म्हि म्हमु” — “शास्त्र हराए संस्कार हराउछ, संस्कार हराए संस्कृति हराउछ, संस्कृति हराए मानव अस्तित्व नै हराउछ” भन्ने सारसँगै तमू समाज इजरायलको गौरवमय संस्था द्वारा ११ जुलाई २०२५ लेबन्डा ४६, तेल-अभिवमा भव्य रूपमा एघारौं अधिबेशन सम्पन्न भएको छ ।

निवर्तमान अध्यक्ष श्री बिन्दु तमूस्यो को सभापतित्वमा र नेपाल आदिवासी जनजाति महासंघ इजरायलका अध्यक्ष श्री सूर्य बहादुर मगरको प्रमुख आतिथ्यमा सम्पन्न सो कार्यक्रममा नेफिन इजरायलका अध्यक्ष श्री सूर्य बहादुर राना मगर , संरक्षक परिषद सदस्यहरू, तमू समाज इजरायलका संरक्षक समिति सदस्य तथा सल्लाहकारहरू, राष्ट्रिय तथा सामाजिक संघसंस्थाका अध्यक्ष तथा प्रतिनिधिहरू, मिडिया कर्मीहरू लगायत सम्पूर्ण अतिथिहरू उपस्थित थिए।

तमू समाज इजरायल परिवारले सो कार्यक्रममा उपस्थित सबै अतिथिहरू तथा कार्यक्रम सफल बनाउन आर्थिक, नैतिक र भौतिक रूपमा सहयोग गर्ने सम्पूर्ण साझेदारहरू प्रति हार्दिक आभार ज्ञापन गरेको छ। विशेषगरी प्राविधिक सहयोगमा सक्रिय नेफिन इजरायलका पूर्वअध्यक्ष तथा होलिडे खबर डट कमका सम्पादक श्री नयन इमसोङ लिम्बूलाई विशेष धन्यवाद व्यक्त गरिएको थियो ।

नवनिर्वाचित कार्यसमितिको नामावली यस प्रकार छ

अध्यक्ष: श्री रेखा तमूस्यो
प्रथम उपाध्यक्ष: श्री गयात्रि तमूस्यो
दितीय उपाध्यक्ष: श्री खोप्स तमू
तृतीय उपाध्यक्ष: श्री इन्द्र जङ्ग तमू
महासचिव: श्री सोनि तमूस्यो
सचिव: श्री सबु तमूस्यो
स–सचिव: श्री तेज माया क्ल्हे तमूस्यो
कोषाध्यक्ष: श्री अनिल तमू
स–कोषाध्यक्ष: श्री दुर्गा तमूस्यो

तमू समाज इजरायलको नयाँ कार्यसमितिमा २१ जना कार्यकारिणी सदस्यहरू निर्वाचित भएका छन्। जसमा श्री बिना तमूस्यो, श्री खुशी तमूस्यो, श्री अञ्जली तमूस्यो, श्री धना तमूस्यो, श्री बिरेन तमू, श्री प्रेम तमू, श्री कविता तमूस्यो, श्री सुशील क्ल्हे तमू, श्री प्रण्य तमू, श्री मिलन तमू, श्री दोलख तमू, श्री रोशनी तमूस्यो, श्री खेमराज (दीपेन्) तमू, श्री देबिका तमूस्यो, श्री रिचा तमूस्यो, श्री अमृता तमूस्यो, श्री लिला तमूस्यो, श्री बिन्ध्या तमूस्यो, श्री सुनमती (जुनु) तमूस्यो, श्री उमा तमूस्यो र श्री रिता क्ल्हे तमूस्यो रहेका छन्।
संरक्षक समितिमा तीन जना सदस्यहरू चयन भएका छन्। यी सदस्यहरूमा श्री डिक कुमार तमू, श्री ओम तमू र श्री खुशी क्ल्हे तमूस्यो रहेका छन्। यस समितिले संस्थाको दीर्घकालीन योजनाहरूमा मार्गदर्शन र परामर्श प्रदान गर्ने कार्यभार सम्हाल्नेछ।

यसैगरी, तमू समाज इजरायलका प्रमुख सल्लाहकारको रूपमा श्री बिन्दु तमूस्यो नियुक्त भएका छन् भने सल्लाहकारहरूमा श्री रिता क्ल्हे तमूस्यो, श्री हस्ता तमूस्यो र श्री बुद्धि तमूस्यो रहेका छन्। उनीहरूको अनुभवी योगदानले संस्थाको सामाजिक कार्यहरू अझ प्रभावकारी र व्यवस्थित बन्ने विश्वास छ।
तमू समाज इजरायलकी महासचिव श्री सोनी तमूस्योद्वारा जारी विज्ञप्तिमा तमू समाज इजरायल परिवारले यस सफल अधिबेशनको सफल बनाउन प्रत्यक्ष परोक्ष सहयोग गर्नुहुने सबैलाई हार्दिक शुभकामना तथा धन्यवाद ज्ञापन गरेको छ ।