यो ए आइ जेनेरेटेड सामाग्री हो,उच्चारण तथा विवरणहरु अन्यथा हुन गएमा त्यसै अनुसार बुझिदिनु हुन अनुरोध गर्दछौं ।
तेल अभिव, इजरायल – नेपाल आदिवासी जनजाति महासंघ (नेफिन) इजरायलले आफ्नो १३औं वार्षिकोत्सव तथा साधारण सभा यही २०८२ जेष्ठ ३० गते (नेपाल संवत ११४५ तछलागा द्वितिया / ई.सं. १३ जुन २०२५, शुक्रबार) तेल अभिवको मातलोन – ७७ मा साँझ ७ बजे आयोजना गरिएको छ।
संस्थाकी महासचिव खुशी क्ल्हे तमूस्योद्वारा जारी सूचनामा जनाइएअनुसार, “आदिवासी पहिचान, अस्तित्व र पूर्ण अधिकार सहितको स्वायत्तता प्राप्ति हाम्रो प्रतिबद्धता र निरन्तरता” भन्ने मूल नारासहित नेपाल आदिवासी जनजाति महासंघ (नेफिन) इजरायलको वार्षिकोत्सव तथा साधारण सभा आयोजना गरिएको हो ।
सो अवसरमा विभिन्न जातीय समुदायका प्रतिनिधिहरूले मौलिक भेषभूषामा सजिएर आफ्नो संस्कृति झल्काउने परम्परागत नृत्य प्रस्तुत गर्ने कार्यक्रम समेत तय गरिएको छ। यसले इजरायलमा रहेका आदिवासी जनजातिहरूबीच आपसी मेलमिलाप, एकता र पहिचानप्रतिको गर्वलाई अझ सशक्त बनाउने अपेक्षा गरिएको छ।
यस विशेष अवसरमा संस्थाको नयाँ नेतृत्व चयनसमेत गरिनेछ, जसले आगामी कार्यकालका लागि संगठनलाई मार्गदर्शन गर्नेछ।
कार्यक्रममा इजरायलमा क्रियाशील जातीय, धार्मिक, सामाजिक, साहित्यिक, राजनैतिक संघसंस्थाहरूका प्रतिनिधि, सञ्चारकर्मी, बुद्धिजीवी तथा विभिन्न पेशामा संलग्न सम्पूर्ण नेपाली समुदायलाई सप्रेम आमन्त्रण गरिएको छ।
नेफिन इजरायल परिवारले एकता, सहकार्य र सांस्कृतिक पहिचानको सन्देश फैलाउने यस अवसरमा सम्पूर्ण नेपाली दाजुभाइ तथा दिदीबहिनीहरूलाई आत्मीय उपस्थितिका लागि हार्दिक अनुरोध गरेको छ।
“आदिवासी पहिचान अस्तित्व र पुर्ण अधिकार सहितकाे स्वायत्तता प्राप्ति गर्ने हाम्राे प्रतिबद्वता र निरन्तरता” भन्ने मुल नाराका साथ आदिवासीहरुको मौलिक भेषभुषामा आदिवासी पहिचान झल्काउने मौलिक नृत्यहरु सहित नेपाल आदिवासी जनजाति महासंघ इजरायलको १३औं वार्षिकोत्सब तथा साधारण सभा कार्यक्रम निम्न मिति, समय र स्थानमा भव्यताका साथ मनाउन गइरहेको हुँदा इजरायलमा स्थापित जातिय, धार्मिक, सामाजिक, राजनैतिक, साहित्यका संघ संस्थाहरु,सञ्चारकर्मी तथा बुद्धिजीवी महानुभाव चिब, चिब्स्यो, म्हिथेब, म्हिथेब्स्योहरु लगायत विभिन्न पेशामा कार्यरत सम्पुर्ण नेपाली दाजुभाई तथा दिदिबहिनीहरुमा नेपाल आदिवासी जनजाति महासंघ इजरायल परिवार यहीँ सूचना मार्फत सु- सुचित गराउदै उक्त कार्यक्रममा उपस्थितिको लागि यहाँहरु सम्पुर्णमा हार्दिक निमन्त्रणा गर्दछौ । ज्ञासजे । जय आदिवासी ! जय जनजाती !!
कार्यक्रम विवरण:
नेपाल संवत : ११४५ तछलागा द्धितिया
बि.सं. : २०८२ जेष्ठ ३० गते
ई. स. : १३ जुन २०२५ शुक्रबार
समय: साँझ ७ :०० बजे
स्थान: मातलोन – ७७ तेल अभिव, इजरायल ।
खुशी क्ल्हे तमूस्यो
महासचिव
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
