इजरायलमा प्रत्यक्ष आक्रमण गर्ने विषयमा इरानका राष्ट्रपति र सेनाबिच मतभेद

हमास प्रमुख इस्माइल हानियाको मृत्युपछि इरान र इजरायलबीच तनाव बढेको छ । यसैबीच, इरानको इस्लामिक रिभोलुसनरी गार्ड कोर्प्स (आईआरजीसी) र राष्ट्रपति मसूद पजशकियानबीच आक्रमणको तरिकाबारे सहमति हुन सकेको छैन ।

बेलायती मिडिया टेलिग्राफको रिपोर्ट अनुसार इरानी सेना इजरायलमा प्रत्यक्ष आक्रमण गर्न चाहन्छ । आइआरजीसी राजधानी तेल अवीव र इजरायलका अन्य सहरहरूमा रहेका सैन्य अड्डाहरूलाई लक्षित गर्न चाहन्छ।

इरानका नयाँ राष्ट्रपति पजशकियान भने इजरायली अड्डाहरू र अजरबैजान र इराकी कुर्दिस्तान जस्ता मध्य पूर्वका अन्य देशहरूमा मोसादका आधारहरूमा आक्रमण गर्न चाहन्छन्।

यस बाहेक पजशकियानले लेबनानी संगठन हिजबुल्लाहलाई राम्रो हतियार उपलब्ध गराउने र इजरायलमा आक्रमण गर्न सहयोग गर्ने प्रस्ताव पनि राखेका छन् । वास्तवमा, इजरायलमा प्रत्यक्ष हमलाको परिणाम इरानले भोग्नुपर्छ भन्ने डर पजशकियानलाई छ।

राष्ट्रपतिका एक सहयोगीले भने “पजशकियानले भने कि हामी भाग्यमानी थियौं जब इजरायलले अघिल्लो पटक हामीसँग युद्ध गरेको थिएन । हामीले आशा गर्नुपर्छ कि यो पटक पनि त्यस्तै हुनेछ ।” पजशकियानका सहयोगीले टेलिग्राफलाई भनेअनुसार आईआरजीसीले राष्ट्रपतिलाई कमजोर देखाउनको लागि विरोध गरिरहेको थियो।

वास्तवमा पजशकियानले सईद जलिलीलाई हराएर राष्ट्रपति चुनाव जितेका थिए। जलिलीलाई आईआरजीसीको समर्थन थियो। इजरायलमाथि कसरी आक्रमण गर्ने भन्ने अन्तिम निर्णय सर्वोच्च नेता अयातोल्लाह अली खामेनीले लिनेछन्।

अर्कोतर्फ आईआरजीसीले सर्वोच्च नेता आयातोल्लाह अली खामेनीले इजरायललाई कडा सजाय दिने बताएको उल्लेख गर्दै त्यसलाई पूरा गर्ने बताएको छ । जुलाई ३० मा इरानी राष्ट्रपति पजशकियानको सपथ ग्रहण समारोहमा सहभागी हुन आएका हमासका राजनीतिक प्रमुख हानियाहको हत्या भएको थियो। उनी आईआरजीसीकै गेस्ट हाउसमा बसेका थिए ।