लेबनानमा स्थल कारबाही सुरु गर्दै इजरायल

इजरायलले लेबनानको हिजबुल्लाह समूहविरुद्ध स्थलगत आक्रमण सुरु गरेको छ।

यसका लागि इजरायल डिफेन्स फोर्सेज आईडीएफको कम्तीमा १८ वटा ब्रिगेड दक्षिणी लेबनानको सीमा क्षेत्रतर्फ अघि बढेका छन्। यसअघि इजरायलले लेबनानको राजधानी बेरुतसहित दर्जनौँ स्थानमा हवाई आक्रमण गरेको थियो। जसमा हिजबुल्लाह समूहका प्रमुखसहित ७ सय बढी मानिस मारिएका छन्।

इजरायली रक्षा मन्त्रीले उत्तरी सीमाको भ्रमण गर्दै भने, “हामी वायु, जल वा स्थलमार्फत आवश्यक सम्पूर्ण स्रोतहरू परिचालित गर्नेछौं।”

आईडीएफले ७० हजारदेखि १ लाख सैनिक लेबनानको दक्षिणी सीमामा परिचालन गर्दैछ। इजरायली सेनाले सीमा क्षेत्रमा हिजबुल्लाहले बनाएका रकेट लञ्चर तथा अन्य भौतिक संरचना ध्वस्त पार्ने तयारी गरेको छ।

इजरायली सेनाले हिजबुल्हाका झण्डै ७० प्रतिशत यस्ता संरचना ध्वस्त पारिसकेको जनाएको छ। तर गत वर्षको अक्टोबर ७ मा गाजाको सीमा क्षेत्रमा प्रवेश गरेर हमासले जस्तो आक्रमण हुन सक्ने आशंकामा सीमा क्षेत्रका लेबनानी संरचना ध्वस्त पार्ने उद्देश्य इजरायलको छ।

यसैबीच अमेरिकाले इजरायलको आत्मरक्षाको अधिकारको समर्थन गर्ने बताएको छ। इजरायली रक्षामन्त्री लोयड अस्टिनले आफूले इजरायली समकक्षीसँग कुराकानी गरेको र आत्मरक्षाको सम्मान गर्ने प्रतिबद्धता जनाएको सामाजिक सञ्जाल एक्समा उल्लेख गनरेका छन्।

इजरायली रक्षा मन्त्रीले हिजबुल्लाह नेता हसन नस्रल्लाहलाई समाप्त पार्नुपर्ने महत्वलाई जोड दिँदै भने, “यो एक महत्त्वपूर्ण कदम हो, तर यो सबै होइन। हामी हाम्रा सम्पूर्ण क्षमताहरू प्रयोग गर्नेछौं, र यदि विपक्षीलाई यसको अर्थ के हो भन्ने कुरा बुझ्न आउँदैन भने, उनीहरूले बुझ्नुपर्छ कि तिमीहरु नै यस प्रयासको हिस्सा र भागिदार पनि हौ । यसको शुरुवात तिमीहरुबाटै भएको हो ।”

इजरायलको योजनाबद्ध अभियान सीमाको वरिपरि रहेको सैन्य पूर्वाधारको सफाइमा केन्द्रित हुनेछ।

इजरायल लेबननमा सीमित स्थल-आधारित कारबाहीको तयारी गरिरहेको छ, जसको उद्देश्य सीमाको वरिपरि रहेको सैन्य पूर्वाधारलाई समाप्त पार्नु हो, एक वरिष्ठ इजरायली अधिकारीले पुष्टि गरे।

इजरायली सुरक्षा बलहरूले लेबननमा सीमित छापा मारे, इजरायल डिफेन्स फोर्स (IDF) ले देशभरि हिजबुल्लाहका दर्जनौं लक्ष्यहरूमा हवाई हमला गर्यो।

यी हमलाहरूले मुख्य साइटहरूलाई लक्ष्य बनाएका थिए, जसमा मुख्यालय, हतियार गोदामहरू, र आतंकवादी टोलीहरूले प्रयोग गर्ने सैन्य भवनहरू समावेश थिए।

IDF का प्रवक्ताले लेबननबाट लगभग ३५ वटा प्रक्षेपास्त्र प्रक्षेपण भएको पत्ता लागेको र केहीलाई इजरायली प्रतिरक्षाले रोकथाम गरेको रिपोर्ट गरेका छन्।

यसअघि अमेरिकाले लेबनानमाथि आक्रमण सुरु गरेको इजरायललाई युद्धविरामका लागि आह्वान गरेको थियो। तर इजरायल भने युद्धविरामको कुनै पनि प्रस्ताव स्वीकार नगरी हिजबुल्लाहविरुद्धको आक्रमणमा होमिएको हो।