इजरायलमा ज्यान गुमाएका विद्यार्थीको सम्झनामा वृक्षारोपण

प्यालेस्टिनी अतिवादी समूह हमासको आक्रमणमा परी इजरायलमा ज्यान गुमाउन पुगेका विद्यार्थी साथीहरुको सम्झनामा सॅँगै इजरायलमा भएका र बाँचेर फर्किएका साथीहरुले वृक्षारोपण कार्यक्रमको आयोजना गरेका छन ।

उनीहरु लर्न एण्ड अर्न कार्यक्रम अन्तर्गत इजरायल पुगेको छोटो समयमै हमासको आकस्मिक आक्रमणमा परेका थिए ।

इजरयलबाट फर्किएका विद्यार्थी सुरज भन्डारीले फेसबुकमा एक सूचना राखेर पोखरामा हुनुभएका कृषि विद्यार्थीहरु, कृषि शिक्षकहरू, कृषिसँग सम्बन्धित सम्पूर्ण कर्मचारीहरु तथा कृषि कर्मीहरु र कृषिलाई माया गर्ने सम्पूर्ण व्यक्तित्वहरू लगायत पत्रकार साथीहरुलाई उपस्थितिको लागि अनुरोध गरेका छन ।

उनले लेखेका छन –

इजरायल र हामसको द्वन्द्वको चपेटामा परेर आफ्नो ज्यान गुमाउने १० जना सुदुरपश्चिम विश्वविद्यालयका विद्यार्थी साथीहरुको सम्झनामा भोली दिउँसो ठीक ३ बजे देखि भेला हुने गरी पोखरा -१७ ड्यामसाइड पार्कमा बृक्षारोपण कार्यक्रम आयोजना गर्ने भएका छौं ।

पोखरामा हुनुहुने कृषि बिद्यार्थीहरु, कृषि शिक्षकहरू, कृषिसँग सम्बन्धित सम्पूर्ण कर्मचारीहरु तथा कृषि कर्मीहरु र कृषिलाई माया गर्ने सम्पूर्ण व्यक्तित्वहरू लगायत पत्रकार साथीहरु समयको ख्याल गरेर उल्लेखित समयमानै कार्यक्रममा उपस्थिति भइदिनुहुन हार्दिक अनुरोध गर्दछौं ।

साथै नेपालीहरुको महान पर्व विजय दशमी पनि सम्पूर्ण नेपालीको घर आगनमा आइसकेको हुँदा, विजय दशमीको शुभकामना आदानप्रदान कार्यक्रम पनि रहने जानकारी गराउँदछु ।

समय: दिउँसोको ठीक ३ बजे
स्थान:- पोखरा -१७ ड्यामसाइड पार्क
आयोजक : PAAN