ट्रम्पको मध्यपूर्व शान्ति प्रयास, इजरायल–हमास युद्ध अर्को सातासम्म रोकिन्छ

अमेरिकी राष्ट्रपति डोनाल्ड ट्रम्पले फेरि अर्को घोषणा गरेका छन । उनले इजरायल–हमास युद्धको ठोस समाधान एक साताभित्रै सम्भव हुने घोषणा गरेका हुन्। उनले मध्यपूर्वमा शान्ति स्थापनाका लागि निरन्तर प्रयास भइरहेको र गाजामा जारी द्वन्द्व अन्त्य गर्न सम्बन्धित सबै पक्षसँग वार्ता गर्न सकिने बताएका छन्।

ट्रम्पको टोली इजरायल र हमास दुवैसँग लगातार सम्पर्कमा रहेको उल्लेख छ, यद्यपि दोहामा भइरहेको युद्धविराम वार्ता भने हाललाई रोकिएको छ।

मध्यपूर्वमा शान्ति ल्याउन आफू लागिरहेको भन्दै उनले अब युद्ध टुंगिने बताए । “कुराकानी जारी छ र आशा छ कि अर्को सप्ताहसम्म कुनै ठोस समाधान हुन सक्छ”, ट्रम्पले पत्रकार सम्मेलनको बिचमा भनेका छन् ।

ट्रम्पले यो पनि स्पष्ट गरेका छन् कि अमेरिकाको निरन्तर प्रयास जारी छ । गाजामा संघर्ष समाप्त गर्नका लागि सबै सम्बन्धित पक्षहरूसँग एउटै टेबलमा वार्ता गर्न सकिने उनको दाबी छ ।
सञ्चारमाध्यमले जनाएअनुसार ट्रम्पको टीम लगातार इजरायल र हमासबिच सम्पर्कमा छन् ।

जारी युद्धलाई अन्त्य गर्न कतारको मध्यस्थतामा लगातार वार्ता चलिरहेको छ । तर, हालसम्म पनि ठोस प्रगति प्राप्त भएको छैन । युद्धको कारण गाजामा ठूलो मानवीय संकट छ । जसलाई पनि समाधान गर्नुपर्ने आवाजहरु उठिरहेका छन् । जसमा ट्रम्पको अभिव्यक्तिले पुन आशाको सञ्चार गराएको छ । एजेन्सी