झापाली समाज इजरायलको आयोजनामा नेपाली नयाँ वर्ष २०८२ को अवसरमा विशेष सांगीतिक साँझ सम्पन्न हुने भएको छ। आगामी अप्रिल २५, २०२५ (शुक्रबार) का दिन इजरायलको तेल अभिभ स्थित हा हागना १३५ बेट बार्बर हलमा आयोजना गरिने यस कार्यक्रमलाई भव्य बनाउन सम्पूर्ण तयारी पूरा भएको आयोजकले जनाएको छ।
सांगीतिक साँझमा चर्चामा रहेकी लोकप्रिय गायिका समिक्षा अधिकारी तथा नेपाली भाषी चर्चित गायक पुष्पन प्रधानले विशेष प्रस्तुति दिनेछन्। साथै, इजरायललाई कर्मभूमि बनाउँदै आएका स्थानीय कलाकारहरू पारस घिसीङ तामाङ, हिमाल राना र सुमित रसाइलीको समेत आकर्षक प्रस्तुति रहनेछ।
यो पनि पढ्नुहोस
झापाली समाजको इजरायलको आयोजनामा नयाँ बर्ष सांगीतिक धमाका, समिक्षा अधिकारी, पुष्पन प्रधान र पारस तामाङ आउदै
झापाली समाज इजरायलका महासचिव राजेन्द्र उप्रेतीका अनुसार, कार्यक्रमलाई भव्य र स्मरणीय बनाउन प्रारम्भिक तयारी पूरा भइसकेको छ। इजरायलमा रहेका सम्पूर्ण दाजुभाइ तथा दिदीबहिनीहरूलाई कार्यक्रममा उपस्थित हुन आग्रह गरिएको छ।
साँझ ८ बजेबाट आरम्भ हुने सो सांगीतिक कार्यक्रमको टिकट मूल्य १८० इजरायली सेकल तोकिएको छ भने, कार्यक्रममा सहभागीहरूलाई सहज बनाउन तेल अभिभ लेभेन्सकी पार्क देखि निःशुल्क बस सेवा उपलब्ध गराइनेछ ।
नेपाल इजरायल डट कम - इजरायलमा रहेको नेपाली समुदायमा हुने विविध गतिविधि, सूचना र जानकारी पस्कने अनलाइन पत्रिका हो । info@nepalisrael.com
