इजरायल र हमासबिच युद्धविराम भएपनि जेरुसेलममा गोली हानाहान, तीन जनाको मृत्यु

तेल अभिभ । इजरायल र हमासबिचको युद्धविराम अर्को दिन थपिएपछि इजरायल नियन्त्रित जेरुसेलममा गोली चल्दा तीन जनाको मृत्यु भएको छ भने १६ जना घाइते भएका छन् ।

बिहानको भीडको समयमा बस स्टपमा यो हमला गरिएको थियो। यस हमलामा मृत्यु हुनेमा २४ वर्षीया महिला र एक ७० वर्षीय पुरुष रहेका छन् ।

यस हमलामा संलग्न दाजुभाइ रहेका दुई आक्रमणकारीको पनि मृत्यु भएको छ । इजरायली सुरक्षाकर्मीका अनुसार पूर्वी जेरुसेलममा बस्ने यी आक्रमणकारी हमासका समर्थक थिए।

इजरायली अधिकारीहरूका अनुसार उनीहरूले आतङ्कवादी गतिविधिको लागि जेल सजाय पनि भोगेका थिए। यता हमासले पनि हमलाको जिम्मेवारी लिएको छ ।